Ogie, pinaninindigan: Ayoko! Hindi ako tatakbo!

HINDI tatakbo sa darating na eleksiyon si Ogie Alcasid.

Noon pa may bulong-bulungan na kakandidato si Ogie pero pinabulaanan ito ng singer/songwriter.

“Ayoko, ayoko.”

Nagsasalita ng tapos si Ogie, hindi siya papasok sa politika.

Ito ay sa kabila ng katotohanang maraming nag-aalok at kumukumbinsi sa kanyang maging isang public servant.

“Marami.

“Iba-iba [na posisyon], basta sa Batangas, Congress… mayroon nga Senator, eh!”

Tubong Batangas ang pamilyang Alcasid.

Bakit ayaw ni Ogie na tumakbo?

“Mas masaya ako rito e,” ang tumatawang pagtukoy ni Ogie sa career niya bilang singer-songwriter.

“I’d rather be a singer, an actor, than (be a public servant).

“Eh nagawa ko na ‘yun, eh, ‘di ba? When I served a little bit under Noynoy (former President Benigno “NoyNoy” Aquino III).

“Ng walang bayad, ha?

“Wala akong bayad.

“I was with the EDSA People Power Commission. Bale ang job ko every year, ako ang nagpe-prepare niyong concerts, niyong anniversary, ‘di ba?

“’Yun lang naman ‘yun.”

Hanggang doon lang, ayaw niyang i-next level?

“Hanggang ganoon lang.”

Ayaw niyang maging Senador?

“Ah, hindi… ayoko, ayoko.

“EH nakikita ko si Herbert, ni hindi ko nakakausap na, ‘di ba? Yung parang ang dami niyang…”

Kaibigan ni Ogie si Quezon City Mayor Herbert Bautista.

Wala bang politiko sa pamilya nina Ogie?

“Parang wala akong alam… parang dignitary, mga ganoon. Naging ambassador…”

Nagsasalita ng tapos si Ogie, hindi siya tatakbo.

“Ayoko talaga, ayoko. At saka ayaw ng asawa ko.

“Ayaw niya,” pagtukoy niya sa misis niyang si Regine Velasquez-Alcasid.

Rated R
ni Rommel Gonzales

---

Kantang paborito ng mga bading