HATAW! D'yaryo ng Bayan hatawtabloid.com
READ: Kathy Dupaya, may bagong akusasyon kay Joel Cruz
LABIS ang kagalakan ni Regine Tolentino sa 10th Star Awards for Music ng PMPC dahil sa nakamit niyang tatlong nominations. Kabilang dito ang Dance Album of the Year at New Female Recording Artist of the Year para sa “Moving To The Music” (Viva Records); at Music Video of the Year para sa “Bounce.”
Post niya sa kanyang FB account: ”Thanks so much for this nomination PMPC Star Awards! Sooo excited! #dancealbumoftheyear Thank you so much to my Flanax Philippines FlipMusic, Viva Artists Agency and Happy House Manila family for making this possible! Special thanks to Mam Larisa Direk Dondi Nolan Jeli Pow Mhit and Martin!”
Sa panayam namin sa masipag at talented na Zumba Queen, ipinahayag niya ang labis na kagalakan sa natamong nominations.
“I’m super happy! Nagsisigaw ako rito sa Canada when I heard the news! Sobrang thankful ako sa PMPC for this recognition, I am so honored and excited,” aniya.
Dagdag ni Regine, “First album ko ito, kaya I’m so happy to be recognized with this prestigious award. Napakalaking parangal nito dahil kahit 23 years na ako sa showbiz industry, baguhan ako pagdating sa industriya ng musika.
“I was so excited and inspired in the production of this album. Talagang ibinuhos ko rito ang lahat ng thoughts and feelings ko.”
Kinumusta rin namin ang kanyang show sa Canada.
Pahayag niya, “Just finished the first leg of our Canada tour, and I’m so happy to share that we have sold out events in every town we will go to. Sobrang bait ang mga Pinoy dito, and tuwang-tuwa sila sa performance ko. I’m so happy na nakatulong pa ako because proceeds of my dance concert Canada Tour go to the ‘For the Love of Children Society’.”
Gaganapin ang 9th (2017) at 10th (2018) Star Awards For Music, sa 9 Setyembre 2018 sa Newport Performing Arts Theatre, Resorts World Manila.
ALAM MO NA!
ni Nonie Nicasio
