Duterte nasa kama ‘di na-coma — Palasyo

READ: ChaCha patay na — Pichay

NASA kama at hindi na-coma si Pangulong Rodri­go Duterte.

Ito ang tugon ni Special Assistant to the President Christopher “Bong” Go sa pahayag ni Communist Party of the Philippines (CPP) found­ing chairman Joma Sison na comatose si Pangulong Duterte mula noong Linggo ng gabi.

Ayon kay Go, nagpa­pahinga lang at hanggang alas-dos ng madaling-araw kahapon ay kausap pa niya ang Pangulo ka­ya  maaaring nanaginip lang ang self-exiled com­munist leader.

“Nasa kama lang nag-rest, kausap ko pa 2:00 am kaninang madaling-araw si PRRD. Baka nana­ginip lang si Joma then napalitan lang ni Joma ng letter C ang pangalan niya. Siya pala ‘yun,” text message ni Go sa mga mamamahayag sa Pala­s-yo kahapon ng umaga.

Sa kanyang panig, sinabi  ni Presidential Spokesman Harry Roque na malusog ang Pangulo at sa katunayan ay naka­takdang humarap sa publiko ngayon para sa okasyon ng League of Cities  sa Cebu.

Pagbibigay diin ni Roque, isang rebolusyo­naryo si Sison at hindi isang doktor. “I don’t see any reason why people — I don’t even understand why Joma Sison said he was in coma ‘no. He is in faraway Netherlands, how would he know?” ani Roque.

(ROSE NOVENARIO)