HATAW! D'yaryo ng Bayan hatawtabloid.com
READ: Rowell, absent sa mga bigating director ni Sharon
ANG ‘di kayang gawing pagsibak kay PCOO ASec Mocha Uson ng gobyerno—sa kabila ng kaliwa’t kanang panawagan bunsod ng kanyang pambababoy sa pederalismong isinusulong ng Duterte administration—ay bahagyang kinatigan ni PIA (Philippine Information Agency) Director General Harold Clavite.
Kung tutuusin, ang hinihingi ni Clavite na mag-sorry si Mocha sa sambayanang Filipino at mag-take muna ng leave of absence is half of the bargain.
Wala namang pagsibak na mangyayari sa ahensiyang pinamumunuan ni Secreratary Martin Andanar.
Bagama’t kalahati lang ito ng bargain, ‘ika nga, bilib kami kay Clavite sa kanyang pagtugon sa isinisigaw ng buong bayan.
Pero kung ang hitad ang tatanungin, hindi pa sapat ang online video na ‘yon kasabwat ang maangas na baklang blogger na si Drew Olivar (na mayaman daw at hindi mukhang pera, ows?).
Sa katunayan, may ilalabas pang ibang video si Mocha para ganap na maunawaan ni Juan de la Cruz kung ano talaga ang pederalismo.
Minsan nang nakatikim ang dating malaswang entertainer ng panlalait sa mga mambabatas. Hindi si Mocha ang maituturing na authority pagdating sa usapin. Short of saying na kulang ang kanyang kaalaman.
Ito’y produkto lang ng aming malikot na pag-iisip.
Baka ang mangyari’y magsaliksik o mag-research si Mocha sa kanyang mga susunod na video.
Mula sa Wiwi-kiki-pedia!
HOT, AW!
ni Ronnie Carrasco III
