Murder vs Makabayan 4 ibinasura ng korte

IBINASURA ng Nue­va Ecija court ang kasong murder laban sa ma­ka­­kaliwang mga da­ting mambabatas bunsod ng kawalan ng probable cause, ayon sa kanilang abogado nitong Lunes.

Sinabi ni Atty. Rachel Pastores, idinis­mis ng Palayan Regional Trial Court ang mga kaso laban kina dating Gabriela Women’s Party Representative at nga­yon ay National Anti-Poverty Com­mis­sion lead convenor Liza Maza, dating Anakpawis Repre­sentative at dating Agra­rian Reform Secre­tary Rafael Mariano, at dating Bayan Muna Represen­tatives Satur Ocampo at Teddy Casiño.

Nag-isyu ang Region­al Trial Court noong 11 Hulyo ng warrant of ar­rest laban sa mga nabang­git bunsod ng umano’y pagpatay sa mga sup­porter ng rival party-list group, Akbayan.

Umabot ang kaso sa High Tribunal makara­an kuwestiyonin ng mga akusado ang desisyon ng Palayan Nueva Ecija Regional Trial Court.

Samantala, inilinaw ng Malacañang na walang kinalaman ang administrasyong Duterte sa pag-iisyu ng arrest warrant laban sa nasabing leftists.