Fans, nabitin sa ending ng La Luna Sangre

SADYANG inabangan ang pagtatapos ng La Luna Sangre nitong Biyernes, Marso 2 kaya naman trending worldwide ito at habang umeere ay ka-chat namin ang mga kaibigan at kaanak na nasa ibang bansa.

Buhay sa ending sina Tristan (Daniel Padilla) at Malia (Kathryn Bernardo) kaya sigurado kaming masayang-masaya ang KathNiel supporters dahil ito rin naman ang gusto nila, walang mamamatay sa dalawang bida ng La Luna Sangre.

Pero napansin ng mga ka-chat namin na bitin ang bakbakan nina Sandrino/Supremo (Richard Gutierrez) at nina Tristan (Daniel) at Malia (Kathryn) dahil tila kulang, walang masyadong sagupaan.

Sabi sa amin, ”bitin naman ang ending, walang spark. Hindi katulad noon nina Lia at Mateo? Walang masyadong ganap naging red lang mga mata nila.”

Sabi namin, baka kasi pagod na ang lahat kaya alalay na lang ang sagupaan dahil alam namang araw-araw ang taping na ang ipalalabas sa gabi ay kinukunan ng maghapon hanggang kinabukasan.

“Ah ganoon ba? Masyado lang kaming nag-expect,”  katwiran sa amin.

Oo nga, nabitin din kami sa totoo lang, Ateng Maricris.

Abangan natin ngayong araw kung ano ang nakuhang ratings ng La Luna Sangre The Apocalypse.

FACT SHEET
ni Reggee Bonoan