HATAW! D'yaryo ng Bayan hatawtabloid.com
BALI-BALITA noon na hanggang January ngayong taon ang “FPJ’s Ang Probinsyano,” ng Hari ng Telebisyon na si Coco Martin. Pero nang makausap ni kaibigang Reggee Bonoan na kapwa namin columnist dito sa pahayagang Hataw ‘D’yaryo ng Bayan No.1 sa Balita’ ay nabanggit sa kanya ng kind and sweet na business unit head ng Dreamscape na si Sir Deo Endrinal na naka-block hanggang July ang mga bagong sikat na artista na kinuha nila para mag-guest sa action-drama series ni Coco. At marami pang mangyayari sa serye kaya abangan niyo. Ibig sabihin ay extended pa ito at matagal pa ninyong mapapanood sa primetime bida timeslot ng Kapamilya network.
Sabagay sa husay ng creative team ng Dreamscape na kinabibilangan din ni Coco ay marami pang puwedeng talakayin sa show lalo na’t hindi nauubusan ng issue sa ating gobyerno. Sa bagong episode nila ay target ng grupo (Vendetta) ni Cardo (Martin) si Mayor Jethro Garrido(Bernard Palanca) na isa na namang drug lord na nambibiktima ng mga estudyanteng binebentahan ng droga ng kanyang mga tauhan.
Gustong patahimikin nina Don Emilio (Eddie Garcia) at Senator Mateo De Silva (Joko Diaz) si Alakdan dahil marami nang alam sa kanilang operasyon. Samantala pinarangalan ng Walk On Water Awards 2018 ang FPJ’s Ang Probinsyano bilang “Creative Breaktrough Long Form Category.”
VONGGANG CHIKA!
ni Peter Ledesma
