JLC at Ellen, sinisimulan na ang pag-i-invest

MAGKATOTOO man o hindi na magpapakasal ang ngayon ay magka-live-in na sina Ellen Adarna at John Lloyd Cruz, mukhang nagsisimula nang mag-invest ang magsing-irog na ayaw malaos habang nagtatago sa madla.

Nag-post sila sa respective Instagram nila ng pictures ng isang bulubunduking lupain na mukhang balak nilang bilhin—batay sa isinulat nilang captions sa mga litrato. Pero hindi nila nilinaw kung nasaang probinsiya ang lupaing ‘yon.

Ang Instagram ni John Lloyd ay @ekomsi. Ang kay Ellen ay @maria.elena.adarna.

Caption ni Lloydie sa isang pic: “My view is my empire,” at “Mine, yours.” Nag-comment si Ellen sa pamamagitan ng “heart” emoji.

May ipinost din si Ellen na video na namamangka sila sa dagat na nasa paanan ng bundok. Parang nakatakip ng unan ang tiyan ni Ellen. Parang itinatago pa rin n’ya ang pagiging buntis n’ya. Wala siyang make-up. Ang ganda pa rin n’ya!

May part sa video na naglalakad sila sa dalampasigan na maraming maliliit na alimasag sa buhanginan.

Kailan kaya sila haharap sa madla? Magpapakasal nga ba sila?

KITANG-KITA KO
ni Danny Vibas