Saturday , February 4 2023
dengue vaccine Dengvaxia money

Anomalya sa Dengvaxia ikakanta ng DOH exec (Star witness ng VACC)

IKAKANTA ng isang opisyal ng Department of Health (DOH) ang mga anomalya sa Dengvaxia vaccination program sa imbestigasyon na isasagawa ng Palasyo.

Naghain sa Office of the President kahapon ng mga kasong gross negligence at grave misconduct ang grupong Volunteers Against Crime and Corruption (VACC) laban sa 14 opisyal ng DOH at hiniling na suspendehin sila habang isinasagawa ng Malacañang ang pagsisiyasat sa isyu ng Dengvaxia scam.

Ayon kay dating Biliran Rep. Glen Chong, miyembro ng VACC, nakahandang tumestigo si DOH Project Manager Dr. Calrito Cairo sa imbestigasyon ng Palasyo sa mga opisyal ng health department.

Nakasaad sa 600-pahinang reklamo na isinumite ng VACC, nilabag ng mga opisyal ng DOH ang medical protocols at ina-pura ang implementas-yon ng mass vaccination.

Naniniwala sina Chong, Atty. Nasser Marojomsalic, at Atty. Manny Luna, pawang complainants laban sa DOH officials, na kasabwat si dating Pangulong Benigno Aquino III sa Dengvaxia scam.

“It was approved, it was railroaded, with the participation of (former) president Aquino. He met with the officials of the Sanofi in France sometime December 2 and it was approved by the FDA, the Food and Drugs Administration on December 22, 2015,” ani Chong.

Kaugnay nito, sinabi ni Presidential Spokesman Harry Roque, hindi pa lusot ang Sanofi sa pananagutan sa Dengvaxia scam.

“Let us not make any conclusion either way. And I’m also appealing to even some members of the government, wala pa pong final findings ang NBI, antayin po natin iyan. No one is responsible and yet, no one is off the hook at this stage. Dream on, Sanofi,” aniya.

Inihayag ng Sanofi kahapon, hindi na nila ibabalik ang bayad sa gobyerno para sa mga hindi nagamit na Dengvaxia vaccine.

(ROSE NOVENARIO)

About Rose Novenario

Check Also

Maria Susana Va Ople Blas Ople

Sa ika-96 na anibersaryo ng kapanganakan ni Ka Blas
Department of Migrant Workers dadalo

Kaisa ng Pamahalaang Panlalawigan ng Bulacan si Sec. Maria Susana V. Ople ng Department of …

Bulacan Police PNP

Sa Bulacan
5 DRUG TRADER, 5 WANTED SWAK SA KALABOSO

NASAKOTE sa pinaigting pang operasyon ng pulisya nitong Martes, 31 Enero ang limang pinaniniwalaang mangangalakal …

arrest posas

Wanted manyakis nasakote sa Bocaue

Arestado ng mga awtoridad ang isang lalaking matagal nang pinaghahanap ng batas dahil sa kasong …

ronald bato dela rosa pnp

Smuggling ng mamahalin, de-kalibreng baril ikinabahala

NAGKAKAROON ba ng firearms smuggling sa bansa? Ito ang tanong Senador Ronaldo “Bato” Dela Rosa …

Drivers license card LTO

Nang-araro ng mga sasakyan
DRIVER NG SUV TATANGGALAN NG LISENSIYA

TATANGGALAN na ng lisensiya ang driver ng SUV na umararo ng 12 sasakyan na ikinasugat …

Leave a Reply