Wednesday , May 22 2024
Marilag Festival Sta Maria Laguna

Mula 11-14 Abril 2024
IKA-11 MARILAG FESTIVAL SA STA. MARIA, LAGUNA   INAASAHANG DARAYUHIN

TAMPOK ang iba’t ibang produktong agrikultural at iba pang by-products, sa pagdiriwang ng mga taga-Sta. Maria, Laguna ng ika-11 Marilag Festival mula 11-14 Abril.

         Sa panawagan ni Mayor Cindy Carolino, hinikayat niya ang publiko na saksihan at dalawin ang bayan ng Santa Maria at makilahok sa selebrasyon upang makita ang ganda ng bayan, mga talento ng mga kababayan, at mga produkto na tanging sa Sta. Maria lamang makikita.

Ang Marilag Festival ay dating tinatawag na Kalakal Festival, dahil ang Santa Maria ay kilala bilang food basket ng Laguna, ang bayan na may pinakamalaking ektarya ng lupang agrikultural.

         Dahil sa magandang kaugalian ng mga tao, maipagmamalaking produkto, at kaiga-igayang mga lugar para sa turismo ang Kalakal Festival ay tinawag na Marilag Festival.

Sa wikang Filipino, ang Marilag ay nangangahulugang maganda, marikit, at kaaya-aya.

Inilatag ni Mayora Carolino, ang mga aktibidad para sa pagdiriwang ng Marilag Festival gaya ng

Solidarity Musical Parade (Parada na may Sayaw) kahapon, pagdiriwang ng Banal na Misa, at Suman & Tamales cooking competition, kinagabihan ay ginanap ang Marilag Idol.

         Ngayong Biyernes, 12 Abril, ay magbabasbas ng mga proyekto, TODALympics, Palarong Pinoy, at kinagabihan ay ang coronation night ng Binibining Marilag at Lakan ng Marilag.

         Sa Sabado, 13 Abril,  ay magkakaroon ng Zumba,

Indak sa Kalye (Street Dancing Competition), at ang People’s Night.

Sa huling araw, Linggo 14 Abril, magkakaroon ng motor show, gay volleyball, lechon cooking contest, at sa gabi ay ang Mayor’s Night, pagsasara ng programa at fireworks lighting.

“Halina at saksihan at dalawin ang bayan ng Santa Maria at samahan sa selebrasyon, makita ang ganda ng bayan at mga talento ng mga kababayan at mga produkto na dito lang ninyo makikita,” muling pahayag ng imbitasyon ni Mayora Carolino. (BOY PALATINO)

About Boy Palatino

Check Also

Cyberlibel vs health advocate doctor inihain ng Bell-Kenz Pharma sa NBI

Cyberlibel vs health advocate doctor inihain ng Bell-Kenz Pharma sa NBI

SINAMPAHAN ng kasong cyberlibel si public health advocate doctor Anthony Leachon kaugnay ng anila’y akusasyon …

Chiz Escudero Migz Zubirri

Escudero aminadong pasimuno ng kudeta laban kay Migz Zubiri

INAMIN ng bagong halal na Senate President na si Senador Francis Joseph “Chiz” Escudero na …

DOST SETUP MSME marks significant invention in the Abaca Industry

DOST SETUP MSME marks significant invention in the Abaca Industry

TO UPGRADE the technological capabilities and improve the productivity and efficiency of MSMEs in the …

Citywide Clearing Ops inilarga ng Pasay LGU sa ilang barangay para paghahanda vs La Niña

Citywide Clearing Ops inilarga ng Pasay LGU sa ilang barangay para paghahanda vs La Niña

NAGSAGAWA ng Citywide Clearing Operation ang pamahalaang lungsod ng Pasay partikular sa Barangay 55, 53, …

Drug den operator, PDEA regional target, 4 pa, arestado sa Subic

Drug den operator, PDEA regional target, 4 pa, arestado sa Subic

ANIM na katao na pinaghihinalaang sangkot sa illegal na droga kabilang ang isang drug den …