Wednesday , May 22 2024
Bulacan Police PNP

P240k ilegal na droga kompiskado; 11 pasaway arestado

INILUNSAD ng pulisya sa Bulacan ang pinaigting na operasyon na nagresulta sa pagkakompiska ng ilegal na droga na nagkakahalaga ng P240,000 kabilang ang pagkaaresto sa 11 pinaghihinalaang tulak at dalawang wanted na personalidad hanggang kahapon, 11 Abril.

Sa ulat na ipinadala kay P/Col. Relly Arnedo, provincial director ng Bulacan PPO, matagumpay na nagkasa ng sting operation ang Station Drug Enforcement Unit (SDEU) ng Bustos MPS na nagresulta sa pagkaaresto kina alyas Ojak at alyas Duno dakong 7:30 pm kamakalawa sa Brgy. Cambaog, Bustos, Bulacan.

Nakompiska sa mga suspek ang limang sachet ng hinihinalang shabu, may timbang na 25.20 gramo at may Standard Drug Price (SDP) na P171,360 kasama ang marked money.

Gayondin, siyam na drug dealer ang nahuli sa magkahiwalay na drug-bust operation ng Station Drug Enforcement Unit (SDEU) ng Angat, Hagonoy, Malolos, Marilao, Bocaue, at Balagtas C/MPS.

Nasamsam sa mga operasyon ang kabuuang 40 sachets ng hinihinalang shabu na tinatayang may halagang P69,292 at marked money.

Dinala sa Bulacan Provincial Forensic Unit (PFU) ang mga nakompiskang ebidensiya para sa kaukulang pagsusuri habang mga reklamong kriminal para sa mga paglabag sa RA 9165 laban sa mga suspek ay inihanda para sa pagsasampa sa korte.

Samantala, ang tracker team ng 1st Provincial Mobile Force Company (PMFC) at Sta. Maria Municipal Police Station (MPS) ay inaresto ang dalawang wanted na personalidad na kinilalang sina alyas Apol para sa Serious Physical Injuries, at alyas Ronald para sa Statutory Rape.

Ang lahat ng arestadong akusado ay kasalukuyang nasa kustodiya ng arresting unit o station para sa kaukulang disposisyon. (MICKA BAUTISTA)

About Micka Bautista

Check Also

Cyberlibel vs health advocate doctor inihain ng Bell-Kenz Pharma sa NBI

Cyberlibel vs health advocate doctor inihain ng Bell-Kenz Pharma sa NBI

SINAMPAHAN ng kasong cyberlibel si public health advocate doctor Anthony Leachon kaugnay ng anila’y akusasyon …

Chiz Escudero Migz Zubirri

Escudero aminadong pasimuno ng kudeta laban kay Migz Zubiri

INAMIN ng bagong halal na Senate President na si Senador Francis Joseph “Chiz” Escudero na …

DOST SETUP MSME marks significant invention in the Abaca Industry

DOST SETUP MSME marks significant invention in the Abaca Industry

TO UPGRADE the technological capabilities and improve the productivity and efficiency of MSMEs in the …

Citywide Clearing Ops inilarga ng Pasay LGU sa ilang barangay para paghahanda vs La Niña

Citywide Clearing Ops inilarga ng Pasay LGU sa ilang barangay para paghahanda vs La Niña

NAGSAGAWA ng Citywide Clearing Operation ang pamahalaang lungsod ng Pasay partikular sa Barangay 55, 53, …

Drug den operator, PDEA regional target, 4 pa, arestado sa Subic

Drug den operator, PDEA regional target, 4 pa, arestado sa Subic

ANIM na katao na pinaghihinalaang sangkot sa illegal na droga kabilang ang isang drug den …