Wednesday , May 22 2024
UP Law Jessup Moot Court
KAMPEON ang UP Law Jessup Team sa kabuuang 642 naglabang teams mula sa 100 bansa sa ginanap na Jessup Moot Court Competition nitong 6 Abril 2024 sa Washington DC. (Retrato mula sa Jessup White & Case LLP Facebook page)

Kampeon sa 2024 Jessup Moot Court Competition
PARANGAL SA UP COLLEGE OF LAW IGAGAWAD NG SENADO 

MATAPOS manaig sa kabuuang 642 competing teams mula sa 100 bansa sa 2024 Philip C. Jessup International Moot Court Competition, isang parangal ang nakatakdang ipagkaloob ng Senado sa University of the Philippines College of Law Jessup Team, sa pamamagitan ng isang resolusyong inihain ni Senador Juan Edgardo “Sonny” Angara.

Sa record, ito ang ikatlong pagkakataon na nagwagi ang Filipinas sa prestihiyosong moot court competition. Unang nagwagi ang bansa noong 1995 na pinangunahan ng UP College of Law, at noong 2004 na pinangunahan ng Ateneo de Manila University.

Sa kanyang resolusyon, pinuri ni Angara ang UP Law Jessup Team at sinabing “patunay ito na dekalidad ang legal education sa Filipinas at talagang magagaling ang ating mga mag-aaral sa abogasya.”

Pagmamalaki ng senador, “hindi madali ang magwagi sa Jessup Moot Court Competition lalo pa’t 642 teams ang naglaban-labang law schools na nagmula pa sa iba’t ibang sulok ng daigdig. Bilang produkto ng UP College of Law, tayo po ay nakikipagdiwang sa tagumpay na ito ng ating unibersidad.”

Nabatid na sa lahat ng koponang galing sa Filipinas, tanging ang UP Law Jessup team lamang ang nakapasok hanggang sa quarterfinal stage ng kompetisyon. Sa final round, pinataob ng Philippine team ang Universidad Torcuato Di Tella ng Argentina dahilan upang ganap na tanghaling kampeon sa 2024 Jessup Moot Court Competition ang UP Law team.

Ang Philippine team ay binubuo ng UP Law students na sina Mary Regine Dadole, Pauline De Leon, Pauline Samantha Sagayo, Chinzen Viernes, at si Ignacio Lorenzo Villareal na itinanghal bilang Best Oralist sa championship round.

Ang Jessup Moot Court Competition na pinangangasiwaan ng International Law Students Association ay isinagawa sa Washington DC, na binibigyan ang mga kalahok ng isang fiction dispute na pagdedebatehan ng dalawang bansa sa harap ng International Court of Justice.

Tumayong coach ng Philippine team si UP Law professor Marianne Vitug na ginawarang Best Oralist noong 2018 sa 22nd Stetson International Environment Law Moot Court, and top 10 oralist naman sa Jessup 2019. Faculty advisor ng koponan ngayong 2024 si Professor Rommel Casis.

“Malinaw na pinatutunayan ng kaganapang ito na dekalidad ang legal education natin sa bansa dahil palagi tayong kabilang sa pinakamagagaling sa kompetisyong ito. Ipagpatuloy lamang natin ang pagsusulong sa ating academic excellence, hindi lamang sa larangan ng abogasya, kundi maging sa iba pang mga  kurso,” ani Angara.  (NIÑO ACLAN)

About Niño Aclan

Check Also

Cyberlibel vs health advocate doctor inihain ng Bell-Kenz Pharma sa NBI

Cyberlibel vs health advocate doctor inihain ng Bell-Kenz Pharma sa NBI

SINAMPAHAN ng kasong cyberlibel si public health advocate doctor Anthony Leachon kaugnay ng anila’y akusasyon …

Chiz Escudero Migz Zubirri

Escudero aminadong pasimuno ng kudeta laban kay Migz Zubiri

INAMIN ng bagong halal na Senate President na si Senador Francis Joseph “Chiz” Escudero na …

DOST SETUP MSME marks significant invention in the Abaca Industry

DOST SETUP MSME marks significant invention in the Abaca Industry

TO UPGRADE the technological capabilities and improve the productivity and efficiency of MSMEs in the …

Citywide Clearing Ops inilarga ng Pasay LGU sa ilang barangay para paghahanda vs La Niña

Citywide Clearing Ops inilarga ng Pasay LGU sa ilang barangay para paghahanda vs La Niña

NAGSAGAWA ng Citywide Clearing Operation ang pamahalaang lungsod ng Pasay partikular sa Barangay 55, 53, …

Drug den operator, PDEA regional target, 4 pa, arestado sa Subic

Drug den operator, PDEA regional target, 4 pa, arestado sa Subic

ANIM na katao na pinaghihinalaang sangkot sa illegal na droga kabilang ang isang drug den …