HATAW! D'yaryo ng Bayan hatawtabloid.com
“Y ummy ka pa rin, Bossing!” biro ni Dawn Zulueta kay Vic Sotto isang araw sa syuting ng Meant to Beh, angMetro Manila Film Festival (MMFF) entry nila.
Hindi naman nagulantang ang senior citizen nang mister ni Pauleen Luna.
Pagtatapat ni Dawn noong press conference para sa nasabing pelikula, ”Enjoy na enjoy akong katrabaho si Bossing. Kasi last time kaming nagtrabaho was for ‘Okay Ka Fairy Ko.’ Ang tagal na. Dalaga pa ako noon. Ganoon pa rin siya.
“Actually hindi nga siya tumatanda. Sabi ko sa kanya, yummy pa rin siya. Tuwang tuwa naman siya.”
Dahil si Dawn—na happily married sa Mindanao politician na si Anton Lagdameo—ang nagsabi niyon sa kanya, siguradong hindi inisip ni Bossing na sine-seduce siya ng kausap n’ya na isang napakagandang babae. At napakadisente.
Heto pa ang isang ebidensiya na napakadisenteng tao ni Dawn: hindi pala n’ya iniisip na kompetisyon angMMFF.
Para sa kanya, malakihang pagtatanghal lang ang festival at isang malaking regalo sa moviegoers.
“Hindi ako affected ng competition. Kasi para sa akin naman, kaya nga it’s a festival, it’s for all of us to show kung ano ang naihanda natin para sa publiko,” pangangatwiran n’ya.
“Masaya kasi lahat ng mga kasama namin, magagaling din. Mga mahal ko rin iyan, si Coco (Martin), si Vice (Ganda). Exciting din. Kasi mukhang maganda rin ang ipakikita ng kanilang pelikula. Dapat panoorin lahat,”sambit pa ni Dawn.
Aside from Meant to Beh, the other MMFF 2017 entries are Ang Panday starring Coco Martin; All Of Youstarring Jennylyn Mercado and Derek Ramsay; and Gandarrapiddo: The Revenger Squad starring Vice Ganda, Daniel Padilla and Pia Wurtzbach.
Also part of the Magic 8 are Deadma Walking starring Joross Gamboa and Edgar Allan Guzman; Siargaostarring Jericho Rosales and Erich Gonzales; Haunted Forest starring Jane Oineza; at Ang Larawan starringRachel Alejandro and Joanna Ampil.
Oo nga pala, kabibinyag lang sa anak nina Bossing at Pauleen na si Talitha Maria noong Linggo, December 10, sa St. James The Great Parish sa Muntinlupa City na ikinasal ang mag-asawa noong January 2016.
Dumalo sa binyagan ang mga anak ni Vic sa mga nakaraan n’yang karelasyon, pati ang mistulang inililihim noon na si Paulina, anak ni Bossing kay Angela Luz na isang beses lang lumabas sa pelikula. Naroon din si Vico, anak ni Bossing kay Coney Reyes.
KITANG-KITA KO
ni Danny Vibas
