HATAW! D'yaryo ng Bayan hatawtabloid.com
PATAY ang dalawang hinihinalang drug suspect habang 14 iba pa ang naaresto sa magkakahiwalay na Oplan Tokhang, Oplan Galugad, at buy-bust operation ng pulisya kamakalawa sa mga lungsod ng Taguig, Makati, Las Piñas at Muntinlupa.
Hindi na umabot nang buhay sa pagamutan ang suspek na si Ferdinand Moldez makaraan makipagbarilan sa mga pulis sa Muntinlupa City.
Naaresto sa nasabing insidente ang kasama niyang si Roberto Ataayla at ama ni Ferdinand na si Rogelio.
Habang namatay sa pakikipagpalitan ng putok sa mga tauhan ng Las Piñas City Police ang suspek na si Raffy Cajeda, hinihinalang tulak ng droga.
Habang arestado ng mga pulis ang hinihinalang mga tulak na sina John Paul Rambuyong, 23; Christian Cunanan, 31; Noel Abadia, 35; Olympia Dela Cerna, 43, at Elsa Abraham, 36, ng Manggahan Compound ng nasabing barangay.
Arestado dakong 4:45 pm sa Taguig City Police ang mga suspek na sina Nicolas Albert, 36, at Martin Kevin Ramos, 28, at Reynaldo Tramos.
Sa Makati City, arestado ng mga pulis si Vanessa Claudio, 42, sa Makati City.
Naaresto ng mga pulis sina Kevin Bernardo, 28, at Jose Mari Sta. Cruz, 39, sa San Antonio, Makati City.
( JAJA GARCIA )
