HATAW! D'yaryo ng Bayan hatawtabloid.com
APAT kababaihan, kabilang ang isang buntis, ang nasagip ng mga awtoridad sa isang hostage taker sa Brgy. Guadalupe Nuevo, Makati City nitong Huwebes ng gabi.
Napag-alaman, apat oras na binihag ang kababaihan ng suspek na kinilalang si Ruben Azares alyas Boyet, 37-anyos.
Ayon sa ulat, dumating sa lungsod ang suspek mula sa Sorsogon upang bisitahin ang kanyang mga kaanak ngunit biglang tinutukan ng kutsilyo at ini-hostage ang mga biktimang sina Iza Among, 30; magkapatid na Joselyn, 31, at Geneviv Guiang, 22, kapwa call center agent, at ang buntis na Beverly Morales, 25-anyos.
Makaraan ang apat na oras, nakombinsi ng mga pulis na sumuko ang suspek at pinakawalan ng mga bihag.
Nabatid sa imbestigasyon, hiwalay sa kanyang misis ang suspek at lumuwas ng Makati makaraan pagbintangan na sangkot siya sa illegal na droga sa kanilang probinsiya. ( JAJA GARCIA )
