HATAW! D'yaryo ng Bayan hatawtabloid.com
CAMP OLIVAS, San Fernando City – Tatlo ang patay habang 15 na hinihinalang adik ang arestado sa isinagawang anti-illegal drugs operation ng mga awtoridad sa nabanggit na lungsod.
Agad binawian ng buhay sa operasyon ang mga suspek na sina Orlan Pama, alyas Ninoy; Danny Latid, alyas kambal, at Joseph Jay Caasi, alyas Jay, pawang residente sa San Miguel Compound, Quebiawan, sanasabing lungsod.
Arestado ang 15 suspek nang maaktohan habang nagsasagawa ng pot session sa lugar. Sa report ni Supt. Jean Fajardo, nagkaroon ng transaksiyon sa loob ng San Miguel Compound nang matunugang parak ang kanilang ka-deal na humantong sa palitan ng putok at nagresulta sa pagkamatay ng tatlong mga suspek at nasukol ang mga adik.
( RAUL SUSCANO )
