Wednesday , February 28 2024

P2.4-M ‘damo’ nasabat sa Benguet (2 HVI, 1 menor de edad, timbog)

NALAMBAT ang dalawang itinuturing na high value individual (HVI) sa drugs watchlist, kasama ang isang menor de edad na lalaki, nang makompiskahan ng tinatayang P2.4 milyong halaga ng hinihinalang marijuana makaraang pagbentahan ang hindi nakilalang operatiba ng Philippine Drug Enforcement Agency (PDEA-3) sa isang drug deal sa Brgy. Poblacion, bayan ng Tuba, lalawigan ng Benguet, nitong Miyerkoles ng hapon, 21 Hulyo.

Sa ulat ni Region 3 Officer Bryan Babang, PDEA3 Director, agad nakipag-ugnayan ang PDEA Nueva Ecija Provincial Office, bilang lead unit, sa kanilang partner agency na nakasasakop sa lugar, sa PDEA Benguet, PDEA Baguio City, at Tuba Municipal Police Station na nagresulta sa pagkakadakip ng mga suspek na kinilalang sina Pedro Laista, 20 anyos, ng bayan ng Kibungan; Jimmer Bedkingan, 27 anyos, ng bayan ng Atok, parehong sa lalawigan ng Benguet; at isang lalaking menor de edad na agad inilipat sa pangangalaga ng lokal na Social Welfare Development Office.

Nakompiska ng mga awtoridad mula sa mga suspek ang 20 pirasong mala-upong hugis ng pinatuyong tangkay at dahon ng hinihinalang marijuana na nakabalot sa packaging tape at tumitimbang ng 20 kilo, tinatayang nagkakahalaga ng P2,400,000; apat na cellphone, marked money, at Toyota Tamaraw FX na gamit ng mga suspek sa pagde-deliver ng mga bultong ilegal na droga.

Ayon kay PDEA3 Director Babang, inginuso ng kanilang confidential agent ang mga ilegal na modus ng mga suspek na responsable sa pagsusuplay ng mga bultohang marijuana sa lalawigan ng Nueva Ecija at mga karatig bayan sa Tarlac.

Nakatakdang sampahan ng kasong paglabag sa Comprehensive Dangerous Drugs Act of 2002 ang mga suspek na kasalukuyang isinailalim sa custodial investigation ng mga raiding team ng PDEA. (RAUL SUSCANO)

About Raul Suscano

Check Also

April Aguilar Brgy Pilar Las Piñas

VM Aguilar pinangunahan ang pagtulong sa mga nasunugan sa Brgy. Pilar

PINANGUNAHAN ni Las Piñas City Vice Mayor April Aguilar ang pamamahagi ng tulong sa mga …

Pamahalaang Panlalawigan ng Bulacan, Eagle Cement, nagtanim ng 2,000 bakawan sa Hagonoy, Paombong

Pamahalaang Panlalawigan ng Bulacan, Eagle Cement, nagtanim ng 2,000 bakawan sa Hagonoy, Paombong

UPANG panumbalikin ang mga bakawan sa mga baybaying barangay ng lalawigan, nakipagkaisa ang Pamahalaang Panlalawigan …

Wanted na mga criminal, drug dealer sa Bulacan kinalawit

Wanted na mga criminal, drug dealer sa Bulacan kinalawit

NAGSAGAWA ng matagumpay na operasyon ang pulisya ng Bulacan kamakalawa, na nagresulta sa pagkaaresto ng …

Andre Perez Dizon

PBGen Dizon pinarangalan ng PNP NHQ (sa epektibong pamumuno sa hanay ng Kasurog Cops PRO5)

GINAWARAN ng “Medalya ng Katangitanging Gawa si Police Regional Office 5 Director PBGen Andre Perez …

SM Cyberzone Game Fest Feat

Cyberzone Game Fest 2024 is back to celebrate all things gaming
Cyberzone Game Fest at SM Supermalls now on its 9th Year

Calling all gamers, esports enthusiasts, and tech aficionados! Now on its 9th year, Cyberzone Game …

Leave a Reply

Your email address will not be published. Required fields are marked *