HATAW! D'yaryo ng Bayan hatawtabloid.com
PERSONAL na pinangunahan ni Pangulong Rodrigo Duterte bilang tagapagsalita at panauhing pandalangal kasama sina Senador Christopher “Bong” Go at Department of Public Works and Highways (DPWH) Secretary Mark Villar ang pagpapasinaya sa
18-kilometrong section opening ng Central Luzon Link Expressway (CLLEX) project phase 1, nitong Huwebes ng hapon, 15 Hulyo sa Rio Chico viaduct, sa bayan ng La Paz, lalawigan ng Tarlac.
Dumalo si Ambassador of Japan to the Philippines Kazuhiko Koshikawa, PRO3-PNP Regional Director P/BGen. Valeriano De Leon, Tarlac Governor Susan Yap, Tarlac City Mayor Cristy Angeles, at iba pang mga opisyal ng lokal na pamahalaan.
Labis na pinasasalamatan ni Pangulong Duterte ang Japan International Cooperation Agency (JICA) sa pagkakaloob ng pondo upang maisakatuparan ang naturang proyekto sa ilalim ng Build, Build, Build program.
Aniya, malaking kaginhawaan ang idudulot ng proyekto sa pagpapaikli ng oras ng biyahe ng mga motorista mula Tarlac patungong Nueva Ecija. (RAUL SUSCANO)
