Mid-year bonus sa gov’t employees ipamimigay na

NAKATAKDANG ipalabas ngayong araw ang kabuuang P31 bilyon mid-year bonus ng mga empleyado ng gobyerno, ayon sa Department of Budget and Management (DBM).

Ayon sa DBM, kanila nang ini-release sa iba’t ibang ahensiya ng pamahalaan ang special allotment release order (SARO) para sa ekstrang pasahod sa government employees.

Ang matatanggap na mid-year bonus ng bawat empleyado ng gobyerno ay katumbas ng isang buwan na basic salary nitong Mayo 15.