Kelot tigok sa boga

PATAY ang isang 39-anyos lalaki makaraan barilin sa loob ng kanilang bahay sa Balut, Tondo, Maynila kamakalawa.

Binawian ng buhay habang nilalapatan ng lunas sa Tondo General Hospital ang biktimang si Larry Galang Laygo, ng Building 10, Unit 215, Permanent Housing, Balut, Tondo.

Habang inaalam pa ang pagkakilanlan ng salarin na mabilis na tumakas makaraan ang insidente.

Ayon sa imbestigasyon ni PO3 Alonzo Layugan ng Manila Police District Homicide Section, dakong 8:30 p.m. nang maganap ang insidente sa loob ng bahay ng biktima.

Ayon sa live-in partner ng biktima na si Ester Cadilo, kasama niyang kumain ang kanyang anak sa loob ng kanilang bahay nang marinig niya na tinawag ng biktima ang kanyang nanay.

Pagkaraan ay narinig ang dalawang putok ng baril at nagulantang siya nang makitang nakabulagta na ang biktima.

Ayon sa pulisya, posibleng droga ang motibo sa insidente.