HATAW! D'yaryo ng Bayan hatawtabloid.com
Nag-umento ang live rating ni super grandmaster Wesley So sa 2774.8 para upuan ang World’s No. 10 player.
Nadagdagan ng 1.8 puntos ang rating ni 22-year old So pagkatapos ng US Chess Championships na ginanap sa Saint Louis USA kung saan second place finish sa 12-player single round robin.
Nakalaban ng tubong Imus Cavite na si So sina reigning champion at No. 2 sa World rankings GM Fabiano Caruana (elo 2803), 2015 champion GM Hikaru Nakamura at former US champion GM Gata Kamsky.
Draw ang laro ni So kina Fabiano at Nakamura habang kinaldag niya sa first round si Kamsky.
May posibilidad pang tumaas ang ranking ni So dahil nakatakdang harapin nito ang pambato ng China na si GM Ding Liren na pang siyam sa World na may elo rating 2777.8.
Mag-uumpisa ang one-on-one duel nina So at Liren ngayong araw sa China.
Samantala, pagkatapos ni So kay Liren ay sasabak naman ang Pinoy sa Grand Chess Tournament kung saan makakalaban niya si reigning World champion GM Magnus Carlsen (elo 2855.1) at ibang mga bigating GMs sa top 10.
( ARABELA PRINCESS DAWA )
