Suspek sa pagpatay sa 2 bata, adik

ILOILO CITY – Nahaharap sa kasong double murder sa ilalim ng Republic Act 7610 o child abuse ang kasambahay na suspek sa pagpatay sa 11-anyos at siyam taon gulang na mga batang inaalagaan sa San Matias, Dingle, Iloilo.

Ayon kay Insp. Marvin Buenavista, sa kabila nang pagsampa na ng kaso sa suspek na si alyas Charity, 17, patuloy pa rin ang kanilang imbestigasyon.

Inamin na rin ng suspek na gumagamit siya ng ilegal na droga kung kaya’t inaalam din ng mga pulis kung sino ang kasabwat niya sa krimen.

Napag-alaman, brutal na pinatay ang magkapatid gamit ang bara at kutsilyo.