HATAW! D'yaryo ng Bayan hatawtabloid.com
NAKATIKIM ng panalo ang Petron-Philippine Superliga All-Star squad matapos tambangan ang Hong Kong, 25-22, 25-15, 25-20, sa Thai-Denmark Super League sa Bangkok.
Friendly match na lang ang naging laban ng Filipinas dahil tanggal na sila sa nasabing torneo.
Luhod ang Petron-PSL team sa four sets sa Bangkok Glass, lupaypay din sa tatlong sets sa Idea Khonkaen at muli ay dapa sa four sets sa 3BB Nakhonnont.
“We came into the game without any pressure,” sabi ni Petron-All-Star coach George Pascua sa laro kontra Hong Kong. “We reduced our errors and our services were very impressive.”
Planong idayo ang PSL team sa Hong Kong sa June 12 para sa serye ng friendlies din bilang Independence Day treat sa mga Filipinos doon.
Pagbalik ng mga Pinay netters sa Pilipinas ay uumpisahan na ang Final round sa PSL invitational Conference.
( ARABELA PRINCESS DAWA )
