HATAW! D'yaryo ng Bayan hatawtabloid.com
HUMAHATAW pa rin si Bobby Ray Parks para sa Texas Legends ng NBA D League.
Sa kanyang unang laro sa starting five ng Legends ay humataw si Parks ng walong puntos, limang rebounds at isang agaw upang pangunahan ang kanyang koponan sa 114-106 na panalo kontra Idaho Stampede kahapon, oras sa Pilipinas, sa Century Link Arena sa Texas.
Naipasok ni Parks ang una niyang syut sa unang quarter at pagkatapos ay nagdagdag siya ng limang puntos sa ikalawang quarter, kabilang ang kanyang reverse lay-up, na napalapit sa Legends sa 42-39.
At sa ikatlong quarter ay nagdagdag si Parks ng isang free throw upang mapalayo ang Legends sa 74-66.
Umakyat ang Legends sa ikatlong puwesto sa Western Conference sa karta nilang 14 na panalo kontra sa sampung talo.
( JAMES TY III )
