Pag-aresto kay Menorca ipinabubusisi ng CHR sa PNP

NANAWAGAN ang Commission on Human Rights (CHR) na imbestigahan ng Philippine National Police ang paraan ng pag-aresto kay dating Iglesia Ni Cristo member Lowell Menorca II.

Sinabi ni CHR chair Jose Luis Martin Gascon, makikitang inabuso nang umarestong mga pulis ang kanilang kapangyarihan.

Dagdag niya, parang napakabigat ng kaso ni Menorca at kinakailangan pang maraming mga pulis ang umaresto.

Kinuwestiyon din niya ang pagsusuot ng sibilyan ng mga pulis na hind rin dapat gawin dahil sa hindi ganoon kabigat ang kaso.