Gapos gang leader arestado

ARESTADO sa pinagsanib na puwersa ng CIDG Anti-Organized Crime Division at Limay, Bataan Police ang pangunahing suspek sa pagpatay sa isang Japanese national na nilooban sa kanyang tirahan sa Room 26F, Malate Bay View Mansion, Adriano Street, Malate, Manila.

Pinangunahan ni Supt. Samson Belmonte ng PNP CIDG ang nasabing operasyon.

Naaresto ang 47-anyos suspek na kinilalang si Magnaan, sa C3 Road, Marcelo Street, North Bay Boulevard, Navotas City, siyang tinukoy sa pagpatay sa biktima na si Tomoyuki Takasugi.

Ayon kay Limay Bataan Police acting chief, Chief Insp. Don Diksie De Dios, ang suspek ang lider ng Magnaan Gapos Gang Group na nag-o-operate sa Metro Manila at kalapit na mga lalawigan.

Sinabi ni De Dios, matagal na nilang minamanmanan ang nasabing criminal group.