Anak tinaga ng ama (Dudang kalaguyo ng ina)

VIGAN CITY – Selos ang dahilan ng pagtaga ng isang ama sa sariling anak sa Brgy. Apang, Alilem Ilocos Sur kamakalawa.

Kinilala ang biktimang si Roldan Lausan, 21-anyos, habang ang suspek na kanyang ama ay si Rolando Lausan, parehong residente ng nasabing bayan.

Ayon kay Senior Inspector Joel Lagto, chief of police ng PNP-Alilem, matagal nang nagseselos ang ama sa pagiging malapit ng anak sa kanyang misis at hinalang may relasyon silang mag-ina.

Parehong lasing ang dalawa nang magkaroon nang mainitang pagtatalo na nagresulta sa pananaga ng ama sa anak.

Kritikal ang kalagayan sa pagamutan ng biktimang tinamaan ng taga ulo, leeg at iba pang bahagi ng katawan.