HATAW! D'yaryo ng Bayan hatawtabloid.com
VIGAN CITY – Nalunod ang dalawang lalaki nang hindi makalabas sa nahulog nilang sasakyan sa kanal sa Cervantes Mankayan Road, Benguet kamakalawa.
Kinilala ang mga biktimang sina June Alicio, 42, at Gerald Bago, 21, parehong residente ng Mankayan, Benguet.
Ayon kay S/Insp. Nepoleon Gao-ay, chief of police ng PNP Cervantes, binabagtas ng mga biktima ang national highway ng nasabing lugar nang biglang mawalan ng kontrol ang driver hanggang nagpagewang-gewang at nahulog sa kanal na may lalim na apat na metro.
Dahil sa lakas ng pagkahulog ng van, nayupi at hindi nakalabas ang mga biktima kaya tuluyang nalunod. Sinubukan ng mga residente na sagipin ang mga biktima ngunit idineklarang dead on arri-val. Napag-alaman sa mga awtoridad, naka-inom ang driver nang mangyari ang insidente.
