Veloso at pamilya nagkita na sa Indonesia

NAGKITA na ang Filipina drug convict na si Mary Jane Veloso at ang kanyang pamilya habang nasa loob ng kulungan sa bansang Indonesia.

Nabatid na nitong Linggo ay nagdiwang si Mary Jane ng kanyang kaarawan sa harap ng ulat na 14 sa 55 bilanggo sa Indonesia ang isasalang na sa firing squad.

Gayonman, nilinaw ng DFA na walang kompirmasyon mula sa Indonesia government na kabilang si Veloso sa isasalang sa firing squad.

Kabilang sa dumalaw kay Mary Jane ang kanyang ina, ama at anak at may regalo sila tulad ng pantalon, tsinelas, birthday cards at babasahing libro.

Si Veloso ay hinatulan ng kamatayan dahil sa pagpuslit ng ilegal na droga sa Indonesia ngunit naipagpaliban ang execution sa kanya dahil sa apela ng gobyerno ng Filipinas.