Palasyo sa DoTC: Kaligtasan ng MRT riders tiyakin

PINATITIYAK ng Malacañang sa Department of Transportation and Communications (DoTC) ang kaligtasan at kapakanan ng mga sumasakay sa MRT, kasabay nang masusing imbestigasyon sa tunay na sanhi ng magkakasunod na aberya sa  mass transit kamakailan.

Reaksyon ito ni Communications Sec. Sonny Coloma, kasunod ng pahayag ni Transportation Sec. Jun Abaya na maaaring sabotahe ang nangyaring aberya sa MRT makaraan lamang malagdaan ang kontrata sa Korean-based maintenance service provider.

Sinabi ni Coloma, ano man ang sanhi ng aberya ay dapat mabigyan ng corrective measure para maiwasang maulit at hindi nalalagay sa panganib ang kaligtasan ng mga pasahero ng MRT.