Mag-asawa patay sa boga at saksak ng kawatan

LEGAZPI CITY – Kapwa wala nang buhay nang matagpuan ng mga awtoridad at ng kanilang mga kaanak ang mag-asawa sa bahagi ng Brgy. Tugas, Matnog, Sorsogon kamakalawa.

Kinilala ang mga biktimang sina Ben at Gloria Garais, parehong 50-anyos at residente ng nasabing lugar.

Sa ulat, dakong 11 p.m. nang pasukin ng hindi nakilalang mga suspek ang bahay ng dalawa para pagnakawan.

Ngunit nang mapansin ng mga salarin na nagising ang mga biktima, pinaulanan sila ng bala at pinagsasaksak

Hindi pa matukoy ng mga awtoridad ang halaga ng pera at mga alahas na natangay sa mag-asawa.