HATAW! D'yaryo ng Bayan hatawtabloid.com
ZAMBOANGA CITY – Umabot sa 15 pasahero ang nasugatan nang mahulog sa gilid ng kalsada ang isang pampasaherong bus sa highway ng Brgy. Bolong sa Zamboanga City kahapon ng numaga.
Sa report mula sa Police Regional Office-9, papunta na sa sentro ng bayan ng Zamboanga City ang pampasaherong bus ng Liza May na minamaneho ni Danilo Guerrero Wagas, 46-anyos, dakong 11:30 a.m. nang mangyari ang insidente.
Sinasabing nagkaroon ng problema sa pagtakbo ng sasakyan kaya tumagilid ito hanggang nahulog sa gilid ng kalsada.
Dinala sa isang pribadong ospital ang mga biktima kabilang ang dalawang malubha ang kalagayan.
