Tradisyonal na pahalik sa Nazareno simula na

INIHAYAG ng mga pari mula sa Minor Basilica of the Black Nazarene sa mga deboto na ngayong Biyernes, Enero 8 magsisimula ang tradisyonal na Pahalik.

Ito ay dahil may mga debotong maagang pumila sa Quirino Grandstand kahapon sa pagbabakasakaling maagang simulan ang Pahalik sa Nazareno.

Iginiit ni Fr. Douglas Badong ng Quiapo Church, dakong 8 am ngayong Biyernes magsisimula ang ‘Pahalik.’

Nakiusap din siya sa mga deboto kahapon na huwag munang magpumilit na lumapit sa Poon dahil may mga inaayos pa sa entablado.

Inayos din ang mga plastic barrier at metal wires para sa maayos na pagpila ng mga deboto para sa ‘Pahalik.’