HATAW! D'yaryo ng Bayan hatawtabloid.com
KINOMPIRMA ng team manager ng Talk n Text na si Virgil Villavicencio na kritikal ngayon ang kalagayan ng nakatatandang kapatid ng team consultant ng Tropang Texters at head coach ng Gilas Pilipinas na si Tab Baldwin.
Katunayan, nasa Amerika pa rin si Baldwin upang alagaan ang kanyang kapatid.
“Coach Tab’s brother has a malignant tumor,” wika ni Villavicencio pagkatapos ng 109-98 na panalo ng TNT kontra Blackwater Sports sa Smart BRO PBA Philippine Cup noong Miyerkoles ng gabi. “He and his brother were more than brothers, they were close friends.”
Idinagdag ni Villavicencio na babalik si Baldwin sa bansa sa Linggo para sa pagpapatuloy ng lingguhang ensayo ng Gilas sa Meralco Gym kinabukasan.
Matatandaan na kinansela ang ensayo ng Gilas noong Lunes dahil nga sa nangyari sa kapatid ni Baldwin.
( James Ty III )
