HATAW! D'yaryo ng Bayan hatawtabloid.com
PATAY ang isang dating pulis na naninilbihang barangay kagawad at namamasada ng AUV nang barilin sa sentido ng isa sa kanyang pashero sa kanto ng Radila Road 10 at Moriones St., sa Tondo, Maynila kahapon ng umaga.
Sa inisyal na imbestigasyon, limang lalaki ang sumakay sa AUV na minamaneho ng biktimang si retired SPO1 Salvador Legaspi, 54-anyos, dating nakatalaga sa Manila Police District Station 2, at ngayo’y barangay kagawad sa Brgy. 47 sa Tondo.
Pumara ang suspek at sinabing may nakalimutan, ngunit pagkababa ay umikot sa passenger’s seat sa driver side saka pinaputukan ang biktima.
Inaalam ng pulisya kung may kinalaman sa pagiging presidente ng Moriones Drivers’ Association ang pagpaslang sa biktima.
Samantala, kinuha na ng mga pulis ang CCTV sa naturang lugar para alamin ang pagkakakilanlan ng mfa suspek.
(LEONARD BASILIO)
