Sabit si Joel ng TESDA, amen!

HINDI na dapat tumakbong senador si TESDA Director General Joel Villanueva matapos ireklamo ng National Bureau of Investigation (NBI) ng malversation, bribery at graft sa Ombudsman kaugnay sa multi-bilyong pisong pork barrel scam.

Si Villanueva ay isa sa mga mambabatas na inakusahang may kinalaman sa pork barrel scam, at nakinabang sa Prio-rity Development Assistant Fund o PDAF sa pamamagitan ng illegal na paki-kipagtransaksiyon kay Janet Lim Napoles.

Base sa reklamo, naka-kick back ang mga mambabatas, kabilang na si Villa-nueva sa kanyang PDAF ng 40 to 60 porsiyento o P2.330 milyon. Siya ang dating kinatawan ng party-list group na Citizens Battle Against Corruption o Cibac.

Binuo ang Cibac para labanan ang lahat ng uri ng katiwalaan sa pamahalaan.

Epal din si Villanueva.  Halos tuloy-tuloy ang kanyang TV commercial at ipi-nagmamalaki ang kanyang nagawa sa TESDA. Hindi ba naisip nitong si Villanueva na maituturing na early campaigning ang kanyang ginagawang pagmamayabang sa TESDA?

Ngayong nahaharap sa kasong malversation ang dating kongresista, nawa’y magnilay-nilay siya, at magdasal nang taimtim na ibigay sa kanya ng Diyos ang tamang daan at tuluyang hindi na tumakbong senador sa dara-ting na halalan.

Si Villanueva ay anak ni Jesus is Lord founder Eddie Villanueva.

Alleluia!