Wang Bo ipinatatapon ng DoJ

IPINADE-DEPORT na ng Department of Justice (DoJ) ang Chinese gambling lord na si Wang Bo. 

Ito’y makaraan ibasura ng kagawaran ang inihaing motion for reconsideration ni Wang na pinababaligtad ang unang desisyon para sa kanyang summary deportation.

Sa inilabas na resolusyon, walang nakitang konkretong batayan ang DoJ para pagbigyan ang mosyon ni Wang dahil sapat na ang isinumiteng ebidensya ng Chinese Embassy para ipa-deport at ipakansela ang pasaporte ng dayuhan.

Wala ring makita ang National Bureau of Investigation (NBI) na matibay na ebidensya sa mga alegasyong nagkaroon ng bayaran sa Bureau of Immigration (BI) pabor kay Wang.

Sinasabing ang natanggap na pera mula kay Wang ang ginamit para suhulan ang mga Kongresista upang ipasa ang panukalang Bangsamoro Basic Law (BBL) sa Mababang Kapulungan.