P4.2-M shabu nasabat sa Negros Occidental (Pamilya, 3 pa arestado)

NEGROS OCCIDENTAL – Aabot sa P4.2 milyong halaga ng ipinagbabawal na gamot, at apat illegal firearms ang nakompiska ng Negros Occidental Provincial Drugs Special Operations Unit sa buy-bust operation nitong Sabado ng gabi sa Kabankalan, Negros Occidental.

Pito katao ang naaresto sa buy-bust operation sa Purok 5, Brgy. 1 sa Kabankalan.

Sinabi ni Team leader, Supt. Antonietto Canete, tinatayang 700 grams ng shabu ang narekober ng mga operatiba. Nagkakahalaga ito ng P4.2 milyon, ang pinakamalaking nakompiska ngayong taon sa lalawigan.

Target sa nasabing operasyon si Kyle Jareno, 22-anyos. Siya ay nasa PAIDSOU drug watch list.

Naaresto  ng  mga operatiba ang kanyang kapatid na si Kendrick Jareno, ang inang si Virgie Jareno, at 15-anyos dalagita.

Kabilang sina Amando Baylon, Jonemar Alvarez, at Roberto Española, naroroon sa lugar nang isagawa ang operasyon. Nakompiskahan sila ng illegal na droga.

Nakuha ng mga awtoridad ang apat hindi lisensiyadong baril na pawang may bala, kabilang ang 45 caliber pistol, shot gun, machine gun, at rifle.