Masculado Dos member todas sa carjacker

PINANINIWALAANG dahil sa insidente ng carjacking  kaya napatay ang isang miyembro ng all male group na Masculados Dos malapit sa Primrose Hills Subdivision sa Angono, Rizal, dakong 4 a.m. kahapon.

Kinilala ang biktimang si Marcelo de Guzman Ong II, 30, mas kilala sa screen name niyang Ozu Ong.

Ayon sa kapatid niyang si Maan, galing sa show ang kanyang kapatid sa Quezon City at pauwi na lulan ng kanyang Toyota Hilux (AAO-2722) nang mangyari ang insidente.

“Ang balita is parang huminto ‘yung sasakyan niya, parang nakahinto. Hindi namin alam kung bumaba siya or pinababa siya, binaril siya sa dibdib. Actually, gitna, e, gitna talaga ‘yung pagkabaril,” wika ni Maan.

Hindi raw malabo na biktima ng carjacking ang kanyang kapatid dahil wala siyang kaaway at lumalabas lang ng bahay tuwing may show ang Masculados.

Iniimbestigahan na ng mga awtoridad ang pangyayari.

Ilan sa mga programang kinabilangan ni Ozu ang “Munting Heredera,” “Magpakailanman,” at “Diva.”

Kilala ang Masculados sa novelty songs gaya ng “Sana Mama,” “Macho Papa,” at “Jumbo Hatdog.”