Shabu bistado sa ari ng dalaw (Sa Pasay City jail)

NABUKO ng mga tauhan ng city jail ang itinagong plastic sachet ng shabu sa ari ng 46-anyos babaeng dadalaw sana sa kanyang kinakasama at sa bayaw na nakakulong sa Pasay City. kamakalawa ng hapon.

Ang inarestong babae ay kinilala ni Pasay City Warden Supt. Baby Noel P. Montalvo, na si Jennifer Belda ng Sucat, Parañaque City.         

Base sa imbestigasyon ni Jail Officer 1 Joel Reyes, dakong 2 p.m. dadalaw sana ang babae sa kinakasamang si Antonio Samson na nakakulong sa Dormitory 9 ng Pasay City Jail, may kasong illegal possession of firearms, at sa bayaw na si Norberto Samson, may kasong may kinalaman sa baril.         

Sa searching area, kinapkapan at pinahubad ng pantalon ang babae ni JO1 Lowella at nakita sa ari ng dalaw ang plastic sachet na hinihinalang droga na nakabalot sa malambot na kulay berdeng papel sa maliit na plastic nakatali sa goma o rubber.

Sinabi ni Jail warden Montalvo, tatlong oras na nakaipit sa ari ng babae ang naturang shabu at nailabas lamang bandang 5 p.m.

Pinabulaanan ni Belda na sa kanya ang shabu at sinabing ipinadala lamang sa kanya ng isang babae na hindi niya kilala.

Ipinasa ng Pasay Jail si Belda sa tanggapan ni Chief Inspector Carlito Narag Jr., hepe ng Station Anti-Illegal Drugs –Special Operation Task Group (SAID-SOTG).

Siya ay sasampahan ng kasong paglabag sa Republic Act 9165 o Dangerous Drugs Act, sa Pasay City Prosecutor’s Office.

Jaja Garcia