E-Court ng Supreme Court inilarga na sa Quezon City RTC

NITONG Hunyo 16, Martes, isang kaso pa ng Libel ang na-dismiss laban sa aming managing editor na si Gloria Galuno at circulation manager Edwin Alcala, na isinampa ng negosyanteng si Reghis M. Romero II.

Halos anim na taon din ang itinagal ng nasa-bing kaso hanggang makipagkasundo ang panig ni Mr. Romero na sila ay maghain ng Affidavit of Desistance.

Kapwa na-relieved ang magkabilang panig.

Pero ang higit na nakatutuwa rito, unang araw iyon nang ipinatutupad na e-Court ng Supreme Court at ang pilot implementation ay QC-RTC.

Ang e-Court ay naglalayong maisakatuparan ang paperless and zero backlog sa Judiciary.

Kaya pagkatapos ng hearing, dala na ng magkabilang panig ang bagong order ng court at hindi na kailangan hintayin ang pagpapadala nito sa Koreo o private courier.

Ayon sa mga abogado, sa ilalim ng e-Court, ang bawat dokumento ay anim na kopya lamang plus ‘yung soft copy in PDF file. Hindi gaya nang dati na 26 kopya ang hinihingi ng korte.

Magastos na sa papel at tinta, very bulky pa sa filing ng court.

Pero kung dati ay nakapagdaraos ng hearing para sa hanggang 10 kaso, ngayon ay posibleng maging anim (6) na kaso na lamang ang maging maximum bawat hearing dahil tinatapos nga ang pagdodokumento.

Anyway, naniniwala tayo na mas pabor ito sa lahat ng panig para sa mabilis na paggulong ng katarungan sa nagdemanda at sa idinemanda.

Mukhang kailangan lang nang malaking adjustment sa umpisa pero pasasaan ba’t mape-perfect din ‘yan ng ating mga korte.

Kaya kung dati nang efficient at diligent ang sala ni Judge Evangeline C. Castillo-Marigomen, tiyak na mas lalo pa sa mga susunod na araw.

Kudos sa e-Court ng Supreme Court!

Para sa mga reaksiyon, suhestiyon, reklamo at sumbong, magtext sa 0927.590.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com