Tuesday , March 19 2024
Elections Caravan

Labanan ng caravan umarangkada na

BULABUGIN
ni Jerry Yap

‘YAN na nga…umarangkada na ang caravan ng presidentiables.

        Hindi naman tayo maka-Leni, pero natatandaan natin, ang mga supporters nina Vice President Leni Robredo at ng kanyang running mate na si Sen. Kiko Pangilinan ang unang naglunsad ng “Para kay Leni” caravan.

        Marami ang nagulat sa caravan ng mga kakampink, dahil hindi biro ang dami ng mga sumamang sasakyan. 

        Kasunod nito ang caravan sa iba’t ibang lungsod sa mga probinsiya —  “Para kay Leni” pa rin..

        Motorcade naman ang iginimik ng kampo ng mga supporters ni presidentiable Ferdinand “Bongbong” Marcos, Jr., sa Ilocos Sur. Hawak daw nila ngayon ang record na “longest motorcade” sa buong bansa.

        Pero marami ang nagsasabing ang mga retratong naglabasan sa social media ay ‘nakaw’ na retrato mula sa ‘Red Shirt’ sa Bangkok noong Setyembre 19, 2010. Ang ‘Red Shirt’ protest sa Bangkok ay inorganisa ng supporters ni dating Thai prime minister Thaksin Shinawatra, na pinatalsik noong 2006. Ini-upload ito sa Wikimedia Commons ng isang user sa pangalang “Takeaway.”

         Ang nasabing retrato umano, ang ini-upload ng isang BBM supporter nitong Nobyembre 7, 2021.

         Pero ang sabi ng kampo nina presidentiable Manny Pacquiao, sila ang unang gumimik ng caravan. ‘Yun lang, hindi napag-usapan… hik hik hik.

        Anyway, ano ba ang silbi ng ‘caravan’ sa kampanya ng mga kandidato?! Para ba ‘literal’ na masabing nakalikha ng ‘bandwagon effect’ ang isang kandidato?

        Isang porma ng panghihikayat at pagkombinsi sa mga supporters at botante ang paglikha ng ‘bandwagon effect.’

Pero palagay natin, hindi na ito epektibo sa mga botante ngayon. Lalo’t malikot ang isip ng mga ‘spin

doctors’ o ‘political operators.’

        Mas pinaiikot nila sa isang ‘senaryo’ ang sambayanang Pinoy. 

        At dahil kapos sa masustansiyang detalye ang mass media, bukod pa sa manipuladong social media, nalilito ang isang pangkaraniwang mamamayan para magdesisyon kung sino ang kanyang pipiliing presidente.

        Gusto nating sabihin, hindi ang caravan at kulay, ang mag-aahon sa mga Pinoy sa kahirapan.

        Ang kailangan ay isang tunay na lider, may paninindigan sa kanyang mga pangako, hindi makasarili at hindi duwag, hindi kayang hawakan sa ilong ng kahit anong probetso at ganansiya, at higit sa lahat kayang ibuwis ang buhay laban sa umiiral na sistema ng korupsiyon at manipulasyon.

        Kayang magpausbong ng mga tunay na mahuhusay na lider para maraming pagpilian ang mga Filipino kung sino ang kanilang mga dapat iboto — para sa bayan, para sa pag-unlad, at  para sa tunay na pagbabago.

        ‘Yan po ang dapat nating tandaan!      

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

       

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …

Krystall Herbal oil FGO Fely Guy Ong

Kulugo nalusaw sa Krystall herbal oil

Back to BasicNATURE’S HEALINGni Fely Guy Ong Dear Sis Fely Guy Ong,          Good morning …

031824 Hataw Frontpage

Bantay energy vs abuso
P4P KASADO SA PAGBUSISI NG $3.3-B LNG DEAL HANGGANG ERC, PCC

KUKUWESTIYONIN ng Energy watchdog group na Power for People Coalition (P4P) ang joint venture agreement …