HATAW! D'yaryo ng Bayan hatawtabloid.com
ni Dominic Rea
WALA naman talagang kompetisyon between KathNiel at JaDine. Usap-usapan kasing baka raw magkasabay ang airing ng teleseryeng Pangako Sa ‘Yo ng Star Creatives at On The Wings of Love ng Dreamscape ngayong Mayo sa Kapamilya PrimetimeBida.
Well, walang problema kung ‘yan ang isyu dahil deserving naman ang dalawang loveteam sa timeslot na ‘yun! Kung sino man ang mauunang ipalabas ang serye, pagsabayin man o hindi, hindi na ‘yun ang isyu kundi tiyak lang akong magbabakbakan na naman sa social media ang fans and followers ng dalawa.
Huwag na nating pag-awayan kung sino ang mas magaling at mas sikat, panatilihin natin ang respeto sa bawat isa dahil pareho namang nagsisikap ang dalawang loveteam na lalo pang mapabuti ang kanilang karera sa showbizlandia. ‘Yun na!
