HATAW! D'yaryo ng Bayan hatawtabloid.com
ni Alex Datu
UNFAIR naman kay Angel Locsin ang tsikang kaya pakakasalan siya ni Luis Manzano ay dahil kailangan ng huli ang kaagapay sa pagpasok sa politika.
Kaya nga, para mapadali ang kasagutan ay agad kaming nag-text kay Madam Suzette Arandela at base sa tarot cards nito, ”Love niya si Angel at talagang gusto nitong pakasalan hindi dahil papasok siya sa politics,” pahayag nito.
Medyo nahimasmasan kami kahit sabihin hula lang ito ni madam Suzette dahil madalas naman nagkakatotoo ang kanyang hula tulad ng lihim na pag-propose ni Direk Paul Soriano kay Toni Gonzaga pati ‘yung pagbubuntis ni Cristine Reyes at marami pang iba.
Speaking of marriage proposal, hinulaan ni Madam Suzette na magpo-prose rin si Luis kay Angel and take note, sa taong ito at taong ito rin magaganap ang kasalan. ”Yes, mag-propose this year. Pero ang kasal either last quarter this year or early part of 2016.”
Naisip tuloy namin na malaki ang posibilidad na pasukin ni Luis ang politika dahil nasabi nito noon na magpapakasal muna sila ni Angel bago siya pumasok sa politika.
Sa isang interbyu sa aktor, inamin nito na sobrang naging mahalaga si Angel sa kanyang buhay. ”She’s a blessing and I want to spend the rest of my life with her and we are engaged. We are engaged!” pag-amin nito.
Pagdating naman sa pagpapakasal ng dalawa, ”Kahit hindi ko pa napaplano ng maayos, I already have something in mind naman. Kumbaga, may nakikita naman ako kung paano, kung kailan at kung kahit anong mangyayari, kami pa rin ang para sa isa’t isa.
