HATAW! D'yaryo ng Bayan hatawtabloid.com
ni Alex Datu
TULUYAN na kaya ang pagkakalayo ng loob ng mag-BFF na sina Kris Aquino at Ai Ai delas Alas? Base sa huling balita, si Gob. Vilma Santos ng Batangas ang hiningan nito ng tulong sa pagpasok sa politika.
Kung hindi kami nagkakamali ay si Tetay ang nagpursige sa komedyana na kumuha ng kurso sa UP ng Public Administration bilang paghahanda sa pagiging public servant.
Halatang masama ang loob ni Ai-Ai sa TV host at kung hindi kami nagkakamali ay nag-ugat ito nang hindi man lang nagparamdam sa kanya ang huli nang pumanaw ang kanyang ina. Nabalitaan na lang natin na naging close ang komedyana sa dating asawa ng TV host na si James Yap na nang mga sandaling ‘yun ay war ang dating magdyowa at ngayon, kay Ate Vi ito humuhingi ng tulong sa pagpasok sa politika.
Ayon sa balita, muling pinuntahan ng komedyana si Ate Vi para sabihing handa na siyang pumalaot sa politika at handa na rin siyang isakripisyo ang kita na tiyak maliit lang ‘di hamak ang kikitain kompara sa milyones na TF sa showbiz. Nasa puso na raw nito ang pagtulong sa kanyang mga nasasakupan. Nagpa-register na si Ai Ai sa Calatagan sa pagtakbo ngayong halalan.
“Pinuntahan niya ako noong Valentine’s Day. ‘Ate Vi, ready na ako’. Galing na sa puso ko eh. Nag-register na siya sa Calatagan! Ano’t anuman, nandito lang naman ako para suportahan siya in my own little way,” ito ang pahayag ng gobernadora ng Batangas sa isang interbyu.
