Mona at Miggs, dumalaw sa Nueva Ecija

ni  Vir Gonzales

WALANG kapaguran and dalawang GMA child star na sina Mona Louise Rey at Miggs Cuaderno noong naging special na panauhin ni Jaen, Nueva Ecija Mayor Santi Austria.

Nag-motorcade ang dalawang kasama ng iba pang kalahok sa parada na ginanap sa San Vicente Jaen, Nueva Ecija. Si Mayor Santi ang nagpagawa ng anim na school building sa Jaen. Malaking naitulong niya sa pag-unlad ng bayang ito. Nakasama nina Miggs at Mona sa paglibot sa San Vicente, sina Konsehal Dante Buan at Municipal Coordinator JB Mangonay, bukod kay Mayor.

Nakakita ang dalawa ng mga nakatumbang malalaking puno ng mangga at ibang mga produkto sa Nueva Ecija na pininsala ng nagdaang bagyong Santi. Nakapangalan pa nga daw ng Mayor ang naturang bagyo pero mga kabutihan naman ang grasyang naikalat nito pagbibiro ng butihing mayor.

Magkakasama sina Mona at Miggs sa Asintado tampok si Aiko Melendez. May gagawin din silang TV show titled BFF Forever na pambata. Mapapanood si Mona ngayong darating na Lenten season kasama si Marian Rivera, na kinunan sa Hospicio de San Jose. Si Miggs naman kasama si Ms. Susan Roces na pang-Holy Week din. Parehong magaling umarte ang dalawa.

Maraming bata sa Nueva Ecija ang napaligaya ng dalawang GMA kids. Pinatunayan ng mga ina ng dalawang bata na sina Judy Chua at Al-Alawi, na basta makapagpapasaya sa kapwa bata walang problema sabi nga nila, hindi naman lahat sa pera tumatakbo ang isip ng tao. Mahalaga pa rin iyong makatulong ka sa kapwa. Korek.

***

PERSONAL… Welcome home sa mga balikbayang mula New York, USA na si Ms. Vitaliana Inductivo Salvador na taga-Milflora, San Rafael, Bulacan at Elizabeth Rosal na galing ng Toronto, Canada na taga-Subic, Baliuag, Bulacan. Damang-dama raw sa Pilipinas ang kahalagahan ng Mahal na Araw, ‘di tulad sa ibang bansa.

Maligayang kaarawan din kina Dalisay Daleng Almazar ng Maginao, San Ildefonso, Bulacan at Julieann Betita ng Magallanes Hotel, Tagaytay City.