HATAW! D'yaryo ng Bayan hatawtabloid.com
ni Peter Ledesma
NABASA namin sa isang website na isa sa naging cause ng hiwalayan noon nina Sheryl Cruz at Norman Bustos ay ‘yung kagustohan ni Sheryl na kapag umuwi siya ng bansa at magbalik-showbiz ay kasama niya ang mag-ama niya.
Pero dahil hindi puwedeng iwan ni Norman ang kanyang trabaho bilang firefighter sa San Franciso nag-decide silang mag-asawa na maghiwalay na lang. Pero as of now kahit divorced na ang dalawa ay okey pa rin ang relationship nila dahil may anak nga sila na si Ashley. Kamakailan lang sa graduation ni Ashley sa High School ay kompletong dumating ang parents na sina She at Norman sa graduation ceremony at makikita sa mga ini-post na larawan ni Sheryl sa kanyang Facebook account na masayang-masaya ang kanilang daughter. Kay Ashley pa rin parang wala naman yata siyang balak sundan ang yapak ng kanyang Mommy at mas feel pa niyang mag-concentrate sa kanyang pag-aaral. Napakabilis talaga ng panahon, ngayon ay may HS graduate daughter na si Sheryl, na ‘till now ay nanatiling single. Mapapanood ang actress sa Galema tuwing hapon sa Kapamilya Gold sa ABS-CBN 2.
At least active pa rin siya gyud!
