HATAW! D'yaryo ng Bayan hatawtabloid.com
ni ROLDAN CASTRO
HAPPY si Winwyn Marquez sa pag-amin ni Alma Moreno na hiwalay na siya kay Marawi City Mayor Sultan Fahad ”Pre” Salic.
“Opo, buti naman inamin na niya,” pahayag ni Winwyn.
“Kasi kahit sa amin hindi niya maamin, eh. Kumbaga hindi niya sinasabi talaga kung ano.Noong ininterbyu siya sa ‘StarTalk’ nandoon ako, kasama ko siya, roon ko lang narinig ‘yung side niya actually,”dagdag pa ni Winwyn.
Dati kasi ay nakakaramdam na sila at nagtatanong kung ‘Nasaan na siya? Anong nangyari?’
“Pero si Mama kasi gusto niya laging, ‘Huwag na nating pag-usapan ‘yan, masaya na ako.Kaya hindi ko na siya pinu-push eh, ayaw na niyang ma-stress,” sey pa niya.
Mas okay na raw na open si Alma lalo’t masaya na siya sa ginagawa niya, wala na siyang itinatagong secret sa loob niya.
Umiyak ba si Alma sa kanya ?
“Hindi. Si Mama kasi ayaw niyang ipakita ‘yung weakness niya sa mga anak niya, eh. Ayaw niya talaga, eh. Pero makikita mo sa mukha niya na malungkot naman talaga siya. ‘Di ba ang dami ng break-ups ni Mama, ang dami ng nangyari pero she’s happy na noong sinabi niya sa ‘StarTalk’, lahat kami kompleto. We were there for her. And alam mo ‘yun, suporta na lang sa mama ko.”
Kahit ang ama ni Winwyn na si Joey Marquez ay sumuporta kay Ness. Para raw silang mag-bestfriend. Kumbaga, nandoon pa rin ‘yung connection ng dalawa.
Gusto ba ni Winwyn na magkabalikan ang parents niya?
“Oo naman! Sino ba namang anak na ayaw magkabalikan ang parents nila. Pero kung wala na siguro hindi na siguro, eh. Sana, pero ngayon kung happy naman sila sa life nila, ‘di ba?” bulalas pa niya.
Ayaw rin ni Winwyn na may manligaw na iba pa kay Alma.
“Sinabihan ko na siya, sabi ko, ‘Ma, tama na muna. Maging masaya ka na muna na ikaw at kami muna. Huwag ka na munang mag-dwell sa ganyan. Ikaw lang ang mai-stress’. Same with daddy, sinabi ko sa kanya na, ‘Huwag kang mag-aasawa, kami na lang muna ang i-prioritize nyo,’ ganyan.And okay naman sa kanila.”
