Enrique, type ni Kris?! (Kuya Boy, ‘di kinaya ang pag-aaya ng inuman ni Tetay)

ni  Roldan Castro

KAHIT  si Boy Abunda ay nagulat sa pagbibiro ni Kris Aquino sa leading man ng Mirabella na si Enrique Gil na maglasingan sila lalo’t hindi naman iyon umiinom.

Ang topic nila sa Aquino & Abunda Tonight ay tungkol sa pagiging pantasya niya sa mga babae, matrona, at bading dahil sa tindi ng sex appeal. Flattered si Quen (tawag kay Enrique) pero naiilang din siya.

Biglang pinasok ni Kris ang ‘lasingan tayo tonight’ nang sumagot si Enrique kay Kuya Boy na wala pa siyang natatanggap na indecent proposal.

Bongga ang pasok ni Kris sa pagbibiro niya lalo’t idinagdag pa niya ang linyang ‘pag ganyang hitsu why not?’

Hindi kinaya ni Kuya Boy ang lasingan joke ni Kris pero havey si Enrique dahil galing ang birong ‘yan sa ‘First Sister, ’no?!

Mas magkakainteres tuloy ang televiewers kay Enrique na muling mapapanood sa March 24 sa bagong serye na Mirabella na katambal si Julia Barretto.

‘Yun na!