HATAW! D'yaryo ng Bayan hatawtabloid.com
ni John Fontanilla
BOUND to USA sa February 26 ang beauty ni Vice Ganda para sa malawakang show niya, ang I-Vice Ganda Mo ‘Ko Sa America, The US Tour. Kaya naman two weeks mawawala si Vice sa It’s Showtime.Magsisimula ang konsiyerto sa James Logan High School (Union City, California) sa February 28; Los Angeles Theatre, (Los Angeles, California) sa March 1; at Pechanga Resorts & Casino (Temecula, California sa March 8 and 9.
Ayon sa sikat na singer/actor/comedian sa ibinigay nitong Thanksgiving party para sa mga press na okey na sila ni Karylle pero hindi 100% okey, kaya naman daw wala itong balak na dumalo sa kasal ng singer/actress.
“We’re okay. Pero huwag na lang munang ipilit kasi mahahalata,” sabi ni Vice. “’Yung loveteam-loveteam, ‘yun ang huwag ipilit kasi naman, baklang-bakla ako, tapos may Karylle. Pero we work as a team pa rin.
“ Pero hindi ko alam kung a-attend ako (kasal) kasi mahirap naman na hindi naman kami super okey pa, pero nandoon ako ‘di ba, pero I wish them luck.” pagtatapos ni Vice.
Kristoffer Martin, dapat tularan ng ibang kabataang artista!
NAKABIBILIB ang dedikasyon sa trabaho at sa pag-aaral ng mahusay na tweenstar ng GMA 7 na si Kristoffer Martin dahil kahit nga three times a week ang taping ng kanyang shows ay hindi pinababayaan ang pag aaral sa San Beda College.
Pursigidong makatapos ng apat na taong kurso si Kristoffer kaya naman kahit puyat at pagod sa trabaho ay pinipilit niyang makapasok sa school. Tsika nga nito na tamang pagma-manage lang naman ng oras ang kailangan para mapagsabay ang mga bagay na gusto niyang gawin.
Happy nga ito na napagsasabay niya ang pag-aartista at pag-aaral.
Tween Star, may sariling negosyo sa Boracay
BOUND to Boracay ngayong weekend ang Tween Star na si Teejay Marquez para sa opening ng kanyang negosyo, ang Ace Buko Time.
Maaalalang isa si Teejay sa image model ng nasabing produkto at dahil nga gusto nitong pasukin na rin ang pagne-negosyo ay naisipan niyang magkaroon ng sariling store lalo na ngayong mas magiging in ito dahil na rin sa pagpasok ng buwan ng tag-init.
Bukod daw sa branch nito sa Boracay ay iniisip pa ni Teejay na magkaroon din ng branch sa Quezon City. Dito raw kasi ilalagay ni Teejay ang kanyang kinita sa pag-aartista at pagiging mabentang commercial, print ad, at image model ng iba‘t ibang produkto.
